39

پالتو کتے نے بطخ کے 15 بچوں کو گود لے لیا

لندن(این این آئی ) برطانیہ میں ایک کتے نے دنیا کو اس وقت حیران کر دیا جب اس نے بطخ کے 15 یتیم بچوں کو گود لے لیا اور اب بھی وہ ان کا خیال رکھ رہا ہے۔لیبریڈور نسل کے ایک رحم دل کتے، فریڈ نے ماں کے غائب ہونے پر بطخ کے بچوں کو گود لے لیا ہے۔

میڈیارپورٹس کے مطابق مائونٹ فیشے کاسل ایسیکس سے تعلق رکھنے والے کتے نے ایک رات کو دیکھا کہ بطخ کے بچوں کی ماں اچانک غائب ہوگئی اور چھوٹے بچے پریشان تھے۔ یہاں اس نے بچوں کے باپ کا کردار ادا کیا اور ان کا خیال رکھنے لگا۔ اگرچہ کتے کا مالک ان بطخ کے بچوں کو کھلاتا ہے لیکن فریڈ بھی ان کا بھرپور خیال رکھتے ہوئے کبھی انہیں آغوش میں لیتا ہے تو کبھی پیٹھ پر سوار کرا کے سیر بھی کراتا ہے۔جانوروں کے رویے کے ماہرین کہتے ہیں کہ قدرت میں ایسے واقعات بہت کم دیکھے گئے ہیں جب کتوں نے کسی پرندے کا اتنا خیال رکھا ہوا۔ یہی وجہ ہے کہ فریڈ کے اس برتا کو عالمی شہ سرخیوں میں جگہ ملی اور اس کی تصاویر اور ویڈیو تیزی سے وائرل ہو رہی ہیں۔2018 کی ایک رات بطخ کے سارے بچوں کو ان کی ماں چھوڑ کر کہیں چلی گئی تھی جس کے بعد کتے نے انہیں دوست بنا لیا اور دن کا غالب حصہ انہیں کے ساتھ گزارتا ہے۔ تاہم کتے کے مالک نے بتایا کہ بطخ کے بچے بڑے اور خودمختار ہونے پر الگ کر دیے جائیں گے۔

اس خبر پر اپنی رائے کا اظہار کریں

اپنا تبصرہ بھیجیں