317

امداد کیلئے حکومت نےکوروناوائر س کو خود امپورٹ کیا، اختر مینگل کا دھماکہ خیزدعویٰ

اسلام آباد(مانیٹرنگ ڈیسک)امداد کے لئےحکومت نے کورونا کو خود امپورٹ کیا ۔ حکومتی اتحاد ختم کرنے کے بعد رہنما بلوچستان نیشنل پارٹی اختر مینگل نے حکومت پر سنگین الزامات لگا دئیے،نجی ٹی وی پروگرام میں گفتگو کرتے ہوئے ان کا کہنا تھا کہ ہمارے ہاں کورونا نہیں آنا تھا، لیکن حکومت نے اسے صرف اس لئے امپورٹ کیا ہے تا کہ ہمیں امداد مل سکے۔ مجھے معاشی تباہی سے زیادہ انسانی تباہی کی فکر ہے۔کورونا کے معاملے پر حکومت ناکام نہیں انتہائی ناکام رہی ہے، آئندہ 3 مہینے ملک میں انسانی تباہی دیکھ رہا ہوں۔ اگر حکومت خود اپنے اقدامات کا جائزہ

لے تو بھی انہیں اس بات کا اندازہ ہو جائے گا کہ حکومت کورونا سے تحفظ فراہم کرنے میں بری طرح ناکام ہو گئی ہے۔بلوچستان کے ایک ضلع کی بات کرتے ہوئے ان کا کہنا تھا کہ ایک ضلع جس کی آبادی 6 لاکھ کے قریب ہے، وہاں صرف 300 ٹیسٹنگ کٹس فراہم کی گئی ہیں، ہم لوگوں کے ٹیسٹ کہاں سے کروائیں؟ ہم جوائنٹ فیملی ہی نہیں جوائنٹ سوسائٹی اور جوائنٹ قبائل ہیں، لیکن اس بیماری کے تدارک کیلئے حکومت نے کوئی اقدامات نہیں اٹھائے، ہمیں آئندہ آنے والے دنوں میں معیشت کیلئے نہیں اپنے پیاروں کو اس بیماری سے محفوظ رکھنے کیلئے فکر مند ہونے کی ضرورت ہے۔ کورونا سے نمٹنے کے بعد ہی ہم معیشت اور سیاست کے بارے میں سوچ سکتے ہیں، اگر ہم زندہ ہی نہیں رہیں گے تو ان سب چیزوں کا ہمیں کوئی فائدہ نہیں ہے۔

Source : Javedch

اس خبر پر اپنی رائے کا اظہار کریں

اپنا تبصرہ بھیجیں