262

بریکنگ نیوز: شہریار آفریدی نے کرونا وائرس کو شکست دے دی

اسلام آباد(ویب ڈیسک) وفاقی وزیر شہریار آفریدی نے کرونا وائرس کو شکست دے دی۔ تفصیلات کے مطابق وفاقی وزیر شہریار آفریدی نے سماجی رابطے کی ویب سائٹ ٹویٹر پر اپنے پیغام میں بتایا کہ وہ کرونا سے صحت یاب ہوچکے ہیں۔ شہریار آفریدی نے لکھا کہ ’کرونا ٹیسٹ بیماری کے

24 روز بعد منفی آیا ہے، تجربہ یہ ہے کہ وہ وقت بہت تکلیف دہ تھا۔ شہریار آفریدی نے بیماری کے دوران دعا کرنے والے افراد کا شکریہ بھی ادا کیا۔ واضح رہے کہ شہریار آفریدی میں گزشتہ ماہ کے آخر میں کرونا وائرس کی تشخیص ہوئی تھی اس سے قبل تحریک انصاف کے رہنما خرم شیر زمان، اسپیکر خیبرپختونخوا اسمبلی مشتاق غنی سمیت متعدد اراکین اسمبلی کرونا کا شکار ہوچکے ہیں۔ خیال رہے کہ شہریار آفریدی میں 29 مئی کو کرونا وائرس کی تصدیق ہوئی تھی، ان کی اہلیہ اور ان کے گھر کے 2 ملازمین میں بھی کرونا وائرس کی تصدیق ہوئی تھی۔ مجموعی طور پر پاکستان کرونا کیسز کا گراف مزید بلند ہونے کے بعد کیسز کی تعداد کے لحاظ 213 ممالک میں دنیا کا 15 واں ملک بن چکا ہے، گزشتہ 24 گھنٹوں کے دوران ملک میں ریکارڈ 136 اموات ہوئی ہیں۔ گزشتہ 24 گھنٹوں کے دوران کرونا وائرس کے 4 ہزار 944 نئے کیسز سامنے آئے ہیں جس کے بعد مجموعی کیسز کی تعداد 1 لاکھ 65 ہزار 62 ہوچکی ہے۔ اب تک کرونا وائرس سے 3 ہزار 229 اموات ہوچکی ہیں جبکہ 61 ہزار 383 سے زائد مریض صحتیاب ہوچکے ہیں۔ اس سے قبل بھی پاکستان میں متعدد سیاستدان اور اہم شخصیات کورونا وائرس میں مبتلا ہوچکی ہیں جبکہ پاکستان تحریک انصاف (پی ٹی آئی) کی رکن پنجاب اسمبلی شاہین رضا سمیت کئی سیاسی رہنما انتقال بھی کر چکے ہیں۔ پاکستان پیپلز پارٹی (پی پی پی) کے رہنما و وزیر تعلیم سندھ سعید غنی ملک کے پہلے سیاستدان تھے جن میں کورونا وائرس کی تشخیص ہوئی تھی اور وہ آئیسولیشن میں رہنے کے بعد صحتیاب ہو گئے تھے۔ سابق وزیر اعظم و مسلم لیگ (ن) کے سینئر نائب صدر شاہد خاقان عباسی اور وزیر ریلوے شیخ رشید احمد بھی کورونا کا شکار ہونے کے بعد قرنطینہ میں ہیں۔

Source : HassanNissar

اس خبر پر اپنی رائے کا اظہار کریں

اپنا تبصرہ بھیجیں